Nga jeta është ndarë gruaja ish-diktatorit serb Millosheviç, Mira Markoviç. Mësohet se ajo humbi jetën në një spital në Moskë në moshën 76-vjeçare. Ajo u vendos në Moskë pasi burri i saj Millosheviç u dërgua në Hagë ku akuzohej për gjenocid në Bosnje-Hercegovinë, si dhe krime lufte në Kroaci dhe Kosovë dhe u dënua me vdekje.
Kush është Mira Markoviç?
Duke iu referuar analizave, thuhet se ajo ka qëndruar mbrapa planeve të ish-diktatorit, dhe madje e këshillonte atë. Mira Markoviç konsiderohej si një prej figurave më kontradiktore në Serbi.
Sipas analistëve serbë ajo qëndronte pas shumë krimeve të bëra edhe në Serbi, siç ishin vrasja e gazetarit Sllavko Curuvija, ish-politikani serb Ivan Stamboliç. Duhet të themi se mbi të nuk ka rënduar asnjë akuzë ligjërisht. Ajo është dënuar vetëm njëherë për keqpërdorimin e postit. Dyshohej edhe për kontrabandë me cigare së bashku me të birin Marko Millosheviç.
Në përgjithësi Mira Markoviç konsiderohet në Serbi si një prej figurave që ka luajtur rol vendimtar në kohën e shkatërrimit të ish-Jugosllavisë, luftërave dhe krimeve serbe të viteve 90-të.
