Minsitrja e Arsimit Besa Shahini, ka kërkuar sot pezullimin e rektorit të Universitetit të Tiranës, Mynyr Koni.
Sipas saj, Koni ka shkelur ligjin dhe ka kaluar kompetencat e tij gjatë ushtrimit të detyrës.
“Më vjen keq për zotin Koni, unë jam udhëheqëse dhe dua të sigurohem që reforma po zbatohet. Është e vështirë që të marrësh vendim për të pezulluar dikë që është zgjedhur me vota. Vendimin për të shkarkuar rektorin e merr presidenti dhe ai do ketë në dispozicion çdo informacion. Jam dakord me Presidentin ku në Universitetin e Tiranës, nuk është zbatuar ligji dhe është keqmenaxhuar. Jam e bindur që Presidenti do të marrë vendimin e duhur për të zgjidhur ngërçin në Universitetin e Tiranës”, deklaroi këtë të shtunë Shahini, në një deklaratë për mediat.
Rektori i Universitetit të Tiranës, Mynyr Koni është sulmuar disa herë nga kryeministri Edi Rama që pas protestës së studentëve.
/bn/
