Nga Boldnews.al
Nuk është vetëm kryeministër. Në Rilindje ai mbetet “Mbreti Ramë”, që tre ditët e fundit doli si “mbreti lakuriq” në sytë e gjithë botës, përfshi edhe Kinën. Grabitja e 10 milionë eurove nga pesë persona të armatosur, bash në mes të pistës në avionin me 104 pasagjerë në bord, zbuloi të vërtetën e sigurisë në vend, por njëkohësisht prishi edhe imazhin që shet “kryeZoti” kryeministër.
Për të dhe ministrat e tij, faji është i kompanisë kineze që ka me konnçension Aeroportin e Rinasit që nuk ka marrë masat e sigurisë brenda perimetrit të aeroportit. Në këtë histerizëm reagimesh, po marrin meritë Rilindasit që shajnë më shumë kinën.
Por gjithçka është një lojë ditore për të sfumuar sa më shumë ngjarjen, pasi kinezët janë këtu, do të jenë sërish e po bëhen gati të futen edhe më fuqishëm në zotërimin e ekonomisë sonë, pas së cilave fshihen afera me PPP-të e famshme, apo konçensionet.
Kryeministri që sot i bën “armiq” kinezët, deri dje ata i kishte të dërguarit special të vëllait të tij Olsit, i cili është parë kudo ku kompanitë aziatike zotërojnë prona në vendin tonë. Por këtë herë Rama i shpalli “sabotatorë”, pasi grabitja e Rinasit ishte rënie e shtetit dhe gjithë strukturave të qeverisë që pushuan se ekzistuari në zonën që duhet të ishte më e sigurta në vend.
Kreu i vendit nuk shqetësohet për mungesën e sigurisë, ajo është detaji i fundit që i shkon në mendje, por ai shqetësohet seriozisht për çështjen e imazhit. Rama po ulëret me të madhe se Shqipëria ofron siguri, vendi është në rrugën e duhur të zhvillimit, drejtësia funksionon dhe se qytetarët janë të lumtur.
Po bota çdo thotë bota? Kjo është pyetja që ia prish rehatinë Ramës, ndaj po urdhëron vartësit e tij që për momentin të merren me kompaninë kineze që menaxhon Aeroportin e Rinasit. Më mirë për të është një “prishje” e përkohëshme me kinën, sesa ti shkatërrohet imazhi propagandistik.
Kjo e fundit është shtylla e parë që mban ngrehinën qeveri, propagandë, propagandë, propagandë…! Nuk ka rëndësi çfarë është e vërteta, por si shitet gënjeshtra. Dhe në këtë pikë media ndërkombëtare i ka dalë nga “kontrolli” i stafit të “Fug(k)-save” të tij, ku thuajse çdo ditë ofrojnë shkrime kritike për Shqipërinë.
Duke u merrë seriozisht me denoncimin e kinezëve, Rama kërkon të kalojë edhe një javë, pasi konncensionari do të bëjë sikur merr masat, kryeministri dhe ministrat do bëjnë selfi në Aeroportin e Rinasit, bashkë me ushtarët që kanë dalë në patrullim. Ja si rregullohet imazhi…! Prishu me kinën sot e jepi një konçension tjetër nesër!
