Qeveria e ka drejtuar gishtin nga koncesionari pas grabitjes së bujshme në Rinas pasditen e tre ditëve më parë. Ministra dhe vetë kryeministrit Edi Rama janë shprehur se kompania kineze nuk ka marrë masat e duhura të sigurisë. Një ditë më parë, ministrja e Infrastrukturës dhe Energjetikës Belinda Balluku, paralajmëroi se qeveria është e gatshme t’i ndërpresë koncesionin aeroportit të Rinasit nëse nuk merr masat që i kërkohet.
Po dje, lidhur me akuzat që qeveria ka bërë ndaj koncesinarit ka reaguar edhe gazetari Ylli Rakipi. Gjatë një interviste në emisionin që drejton “Të Paekspozuarit”, ku të ftuar kishte Koço Kokëdhimën, gazetari bëri një batutë.
“Kinezi, kinezi… Kinezin nuk e kishin goditur as në kohën e kinezëve kaq shumë”, tha ai. /bn/
