Autoritet në Indonezi lëshuan një paralajmërim për cunami pas një tërmeti të fuqishëm prej 6.8 ballë që goditi brigjet e ishullit Sulawesi. Një zëdhënës i Agjencisë Gjeofizike të Indonezisë njoftoi paralajmërimin pas tërmetit që goditi këtë të premte.
“Banorët janë këshilluar të evakuojnë sa më shpejt që të jetë e mundur”, shtoi Taufan Maulana. Ai tha se agjencia po monitoron valët e larta pasi tërmeti ka potencialin për të shkaktuar një cunami.
Tërmeti goditi 280 km në jug të krahinës së Gorontalo në një thellësi prej 43 km, sipas “Geological Survey” të Shteteve të Bashkuara.
Paralajmërimi u lëshua për komunitetet bregdetare në lagjen Morowali. Nuk pati raportime për dëmtime apo viktima, por USGS (United States Geological Survey) paralajmëroi se dëmtime të konsiderueshme ishin të mundshme në strukturat e ndërtuara ose të dizajnuara keq.
Indonezia shtrihet në të ashtuquajturën “Unaza e Zjarrit” në Paqësor, një zonë e madhe në Oqeanin Paqësor ku ndodhin shumë tërmete dhe shpërthime vullkanike. Arkipelagu i madh indonezian është gjithashtu shtëpia e më shumë se 100 vullkaneve.
Një tërmet me magnitudë 7,5 goditi në anën tjetër të Sulawesi vitin e kaluar, duke shkaktuar një cunami që goditi qytetin Palu dhe vrau më shumë se 4.300 njerëz. /bn/
