Kreu i qeverisë Edi Rama është duke zhvilluar një takim me përfaqësuesit më të lartë kinezë në Samitin e Kinës me Ballkanin Perëndimor, i cili po mbahet në Dubrovnik të Kroacisë.
Në kuadër të takimeve me krerët më të lartë të shtetit kinez dhe atyre të Ballkanit Perëndimor, Rama është shfaqur tejet miqësor me homologun e tij kinez. Në një kohë kur Rama ka vënën nën akuzë për sigurinë e mungur kompaninë koncesiare kineze në Rias pas grabitjes së bujshme të para 3 ditëve, në takimin me homologin e Kinës nuk ka guxuar të flasë lidhur me këtë ngjarje. Të paktën, kjo kuptohet nga pamjet e takimit të publikuar në faqen e kreut të qeverisë në Facebook.
I ulur përballë homologut të tij, kreu i qeverisë duket i pashqetësuar lidhur me ngjarjet e fundit duke u munduar të fokusojë vëmendjen në axhendën e takimit.
E në fakt, këtë linjë shmagieje të përgjegjësisë të Ramës e kanë transmetuar edhe shumë zyrtarë të tjerë të lartë të shtetit, kur sa herë janë pyetur lidhur me skandalin e grabitjes në Rinas, institucionet përgjegjëse kanë transferuar përgjegjësitë tek kontrata koncensionare me Kinën, ndërsa vetë Rama, i ndodhur përballë tyre, nuk guxon të kërkojë as llogari e as sqarim për sigurinë e një ndër insititucioneve që duhej të ishte në ‘top list’ të sigurisë.
