Në burgun famëkeq të Koridalos ka ndodhur një përleshje e përgjakshme midis dy grupeve të grekëve dhe shqiptarve. Si pasojë e kësaj përleshjeje kanë mbetur të plagosur dy persona, të cilët kanë përfunduar në spital.
Të dënuarit janë përleshur me kabllo elektriku, të cilin e kishin kthyer në një kamzhik.
Sipas “To Bima.gr”, incidenti ndodhi në godinën e katërt D të burgut dhe viktimat e përleshjes ishin një grek 33-vjeçar, i cili ishte arrestuar për vjedhje dhe një 27-vjeçar shqiptar, i cili ishte dënuar për trafik droge.
Ende nuk dihen arsyet e përleshjes mes dy grupeve në burgun grek.
Kjo nuk është përleshja e parë mes shqiptarëve dhe grekëve në këtë burg famëkeq. Ky incident pasohet nga 20 incidente të ngjashme, ndër to përmendim vrasjen e 36-vjeçarit Albert Bako.
