Në Tropojë, do të zhvillohet nesër ceremonia e varrimit të Admir Muratajt, njërit prej grabitësve në aeroportin e Rinasit, i cili mbeti i vrarë.
Lajmin për ceremoninë mortore e ka dhënë vetë vëllai i tij, Ilir Murataj, poshtë postimit të të cilit nuk kanë munguar as komentet ngushëlluese.
Ndër më shumë se 300 komente, ai që binte në sy është ai i Sali Lushajt, i cili gjithashtu shprehte ngushëllimet e tij.
“Ngushëllimet e mia për familjen tuaj të nderuar. ZOTI JU FORCOFTË”, shkruan Lushaj.
Lushaj ka qënë truproja e ish-kryeministrit Sali Berisha dhe është babai i reperit të njohur si “Stresi”.
