Nga Kreshnik Osmani
Me këtë nivel sigurie dhe në një vend ku vidhen miliona euro në mënyrë të përsëritur në mesin e ditës me diell, në mesin dhe në zemrën e Shqipërisë, në barkun e avionit, në mes të pistës së fluturimit të një vendi anëtar të NATO-s shumë pak kilometra nga ministria e Rendit dhe ajo e Mbrojtjes:
A mundet ta imagjinoni çfarë mund t’i bëjë këtij vendi një organizatë terroriste profesioniste nëse e vendos në “rreth të kuq”?!
A është shumë e vështirë për t’u kuptuar se çfarë mund t’i bëjë këtij vendi shërbimet ruse, apo serbe apo shërbime të çfarëdollojshme aspak dashamirëse ndaj Shqipërisë, në rast se e vendosin atë në rreth të kuq?!
A mund ta përfytyroni se çfarë i ndodh popullsisë së këtij vendi në atë moment kur organizata të rrezikshme kriminale ndërkombëtare vendosin të trafikojnë, apo të importojnë, apo të tranzitojnë, apo të groposin të maskuar me lloj lloj etikete mbetje të rrezikshme nukleare në këtë vend?!
A has dikush ndonjë veshtirësi per të kuptuar se çfare ndodh në këtë vend në rast se ndonjë organizatë e rrezikshme mafioze, kriminale apo terroriste vendos për ndonjë sulm kimik apo biologjik?!
A e keni fuqinë për ta ndjerë thellësisht se sa të sigurta janë jetët e banorëve të një vendi në të cilin çahen rrjetat e aeroportit dhe siguria e tij në të njëjtin orar në të cilin mbërrin në të njejtën pistë Presidenti i Republikës dhe një zyrtar i lartë i kokës së NATO-s që janë SHBA-të?!
A jeni të gatshëm për ta besuar se çfarë u ndodh qelizave të tua në trup kur çmenden prej ushqimeve fare të pakontrolluara që iu futën në mish dhe në gjak?!
A jeni të gatshëm për të pranuar se jeni të mbaruar e të marrë fund në rast se fati nuk iu bën vullnetarisht pjesë të planeve të tij të bardha?!
A jeni të përgatitur shpirtërisht, mendërisht dhe moralisht për të besuar me shpirt dhe me zemër se jeta juaj në këtë vend është njëra prej trajtave më të komplikuara të fatit dhe të bixhozit?!
A ju duhet edhe shumë kohë për të kuptuar se paratë që i vjedhin ata bashkë do t’i paguani ju edhe unë?!
Edhe sa kohë ju duhet për të kuptuar se nëse nuk i ndalni do ju vije radha një ditë, kur te vijnë t’iu marrin frymën dhe t’iu fusin kthetrat në fyt?!
A e dini se të vemtit që mund t’i ndalin ata jeni ju?! Po po ju. Ju që ju ka mbetur një pikë nder e turp. Ju që edhe nëse nuk iu dhimbset vetja keni një pikë dhembshurie e frikë për pjellat tua që i sollët pa lejen e tyre në jetë dhe nuk keni mundësinë as deshirën që t’i zhdukni që këtu!
