Ish-kryeministri Sali Berisha, i ftuar në Ora News, ka komentuar edhe sondazhet e nxjerra pak ditë më parë të cilat nxirrnin fitues opozitën në zgjedhje.
Ai tha se edhe pse nuk e pëlqen kompaninë që ka bërë sondazhet pasi ajo është e majtë, kjo kompani ka treguar se është mjaft e saktë pasi sondazhet e saj kanë dalë në Shqipëri dhe Itali.
“Unë uroj mos humbni licencën për shkak të atij sondazhi. Dua apo s’dua ‘Noto’ ka qenë më i sakti, mua nuk më pëlqen shumë se është i majtë, por të themi të vërtetën ai ka qenë i saktë. Së pari ai ka opozitën shumicë me 53 për qind dhe kjo është e jashtëzakonshme, ka një rritje të PD-së me 10 pikë, ka një thyerje qafe të Edi Ramës, më katastrofalen, dhe Edi Rama kthehet më keq se në vitin 2009”, deklaroi Berisha. /BN/
