Përballja me Partizanin e gjen Skënderbeun në vendin e gjashtë me 40 pikë, 14 pikë më pak se “demat” që kryesojnë. Vendi i tretë në kampionat është ultimatumi i klubit për ekipin e Skënderbeut në këtë sezon. I ndodhur në kushtet kur vendi i gjashtë është tepër i rëndë për ekipin kampion në fuqi, presidenti Takaj ka zgjedhur t’i vendosë ultimatumin ekipit të tij.
Në analizën e zhvilluar ditët e fundit kryefjala e presidentit të Skënderbeut ka qenë reagimi i ekipit në ndeshjen e radhës. Veçanërisht në fazën e katërt, por edhe në ndeshjen me Partizanin, presidenti i bardhekuqve ka kërkuar nga ekipi i tij që të japë maksimumin dhe të marrë pikët maksimale për të arritur objektivin e vendosur nga klubi. Në këtë mënyrë, arritja e objektivit do të jetë konkrete, por edhe klubi do të zgjedhë se cilët lojtarë mund të veshin sërish fanellën e Skënderbeut.
