Nga aktiviteti fizik është e qartë tashmë se njeriu mund të përfitojë të mira shëndetësore, por edhe mendore.
Por, si do t’ju duket nëse aktiviteti fizik është më i rëndësishëm për shëndetin mendor, sesa gjendja ekonomike dhe kjo referuar një studimi të kryer nga studiuesit në universitetin e Yale dhe Oxford.
Në studimin e botuar në Lancet, shkencëtarët mblodhën të dhëna mbi sjelljen fizike dhe gjendjen shpirtërore tek më shumë se 1.2 milionë njerëz.
Pjesëmarrësve në studim, iu kërkua t’u përgjigjen pyetjeve të mëposhtme: “Sa herë keni qenë të sëmurë psikologjikisht gjatë 30 ditëve të fundit, p.sh, për shkak të stresit, depresionit apo problemeve emocionale.
Ata u pyetën edhe për të ardhurat e tyre dhe aktivitetin fizik. Ata mund të zgjidhnin rreth 75 lloje aktivitetesh, duke nisur nga punët e shtëpisë deri tek udhëtimi me biçikletë.
Njerëzit që janë më aktiv, përgjithësisht janë më të lumtur.
Studiuesit zbuluan se personat që merren me aktivitet fizik të përditshëm kanë një tendencë për t’u ndjerë keq rreth 35 ditë në vit, kundrejt atyre që nuk kryejnë asnjë aktivitet fizik, të cilët mesatarja e tyre është 53 ditë në vit.
Studiuesit për më tepër zbuluan se njerëzit që ushtroheshin rregullisht fizikisht është e vërtetë që ndjeheshin më mirë kundrejt atyre që nuk ushtroheshin fare, por ata shpenzonin rreth 25 mijë dollarë më shumë në vit.
Ushtrimi fizik ka një efekt të qartë, por sa është i mjaftueshëm? Sipas studimit, tre deri në pesë stërvitje që zgjasin nga 30 në 60 minuta në javë është ideale.
Më shumë se kaq, mund të ketë një efekt të kundërt. Në fakt, studiesit thonë se shëndeti mendor i njerëzve që ushtroheshin më shumë se tre orë në ditë, ishte më i keq se ata që nuk ushtroheshin fare fizikisht.
Ata theksuan gjithashtu se sportet që përfshijnë socializimin në grup, si p.sh, sportet që veprojnë si ekip, mund të kenë efekte më pozitive në shëndetin mendor në krahasim me të tjerët.
Edhe pse çiklizmi dhe aerobia nuk konsiderohen sporte në grup, gjithsesi këto aktivitete fizike mund të kenë gjithashtu një efekt pozitiv në shëndetin mendor.
