Grabitja e 10 milionë eurove në Rinas është marrë aq seriozisht, sa u mor emërimi i Sandër Lleshit në krye të Ministrisë së Brendshme nga Edi Rama.
Në një kohë që situata në Shqipëri është alrmante dhe siguria kombëtare është në rrezik (këtë e konfirmojnë edhe deklarata e Ministres së Mbrojtjes Olta Xhaçka, e cila ka vendosur që kontrollin në vend ta marrë ushtria), ministri Lleshaj çon në Rinas zëvendësin e tij Besfort Lamallari.
Pra ashtu si dhe Lleshaj që është thjeshtë një fasadë në krye të MInistrisë së Brendshme, po ashtu edhe Lamallari u shfaq sot në Rinas në krahë të Ardi Veliut dhe zv.ministrit të Infrastrukturës. Artan Shkreli.
Lamallari u shfaq thjeshtë si figurë pas mbarimit të takimit mes tij dhe tre drejtuesve të tjerë të lartë, Veliajt, Shkrelit dhe atij të TIA-s, pasi nuk tha asnjë fjalë, se çfarë mase ka marrë policia, si do të veprojë sot e tutje, apo qoftë të ngrinte dhe ai gishtin kundër konçensionarit kinez.
Me këtë seriozitet që po e merr shteti shqiptar krimin dhe luftën ndaj tij, nuk na mbetet gjë tjetër veçse të gjithë para se të flemë gjumë dhe pasi të zgjohemi në mëngjes me sytë nga qielli dhe duart në zemër, t’i lutemi të plotfuqishmit, që të kthejë sytë ne, pasi dhe ai duket se prej 6 vjetësh na ka lënë pas dore, pasi nuk ka qenë dakord me zgjedhjen tonë. /Boldnews.
https://www.facebook.com/boldnews.al1111/videos/431315880953389/
