Kryeministri Edi Rama ka reaguar për herë të parë lidhur me grabitjen e ndodhur në Rinas pasditen e djeshme, që solli edhe një viktimë.
Kreu i qeverisë, ashtu si tre ministrat e kabinetit qeveritar përpara tij, akuzoi koncesionarin e aeroportit “Nënën Tereza” se dështoi me garantimin e sigurisë.
“Kompania kineze që bleu aeroportin nga e mëparshmja, dështoi po njësoj në garantimin e sigurisë. Shteti shqiptar s’do pranojë asnjë justifikim nga kompania dhe do marrë kontrollin e perimetrit të jashtëm e të sigurisë së brendshme”, shkroi Rama në Twitter.
Një replikë e bëri edhe me ata që kanë akuzuar policinë: “Respekt për policinë që sulmohet veshëgjatësisht”.
Më herët gjatë ditës së sotme, ministrja e Mbrojtjes Olta Xhaçka bëri me dije se në perimetrin e sigurisë së aeroportit ‘Nënë Tereza’ do të vendosen efektivë të Policisë Ushtarake dhe Batalionit Special të Forcave tona të Armatosura.
/BN/
