Samuel Eto’o, ish-futbollisti i Barcelonës ka folur për aventurën e tij gjatë kohës që ishte pjesë e katalanasve. Kamerunasi në një intervistë për ‘Beinsports’, është shprehur se trajneri Guardiola në atë kohë gaboi pasim lojtari kryesor ishte ai dhe jo Messi.
“Pep ka kaluar gjithë jetën te Barcelona, por gjatë kohës që unë isha atje, ai nuk kuptoi asgjë. Ai nuk e dinte jetën brenda grupit të futbollistëve. I kam thënë Guardiolës se do të më kërkosh falje, pasi unë e bëja Barcelonën të fitonte dhe jo Messi. Barcelona ka fituar nga unë dhe Pep duhet të më kërkojë falje”.
Sulmuesi, i cili tashmë edhe pse në moshën 38-vjeçare vazhdon të jetë aktiv si profesionist me skuadrën e Katar, shtoi se në periudhën 2004-2009, kur aktivizohej me Barcelonën, ishte momenti i tij dhe Mesi ende nuk ishte më i miri. “Kjo ishte situata në atë kohë, Messi do të bëhej më i miri më vonë, por ajo ishte koha ime, mund të pyesni për këtë dheXavin, Iniestën apo të tjerë”, tha Samuel Eto’o.
Në fund kamerunasi shtoi se ishte Guardiola ai që e nxori në merkato, megjithatë në fund gjithçka shkoi mirë teksa fitoi tripletën si protagonist me Interin.
