Ermonela Felaj dhe Mimi Kodheli, ministre në mandatin e parë të Qeverisë Rama, kanë reaguar lidhur me ngjarjen e ndodhur dje në aeroportin Nënë Tereza, ku brenda territorit të sigurisë, u grabitën rreth 10 mln euro.
“Ngjarja ishte shume e rëndë. Ajo tregoi nevojën për rishikim të koncesioneve jo vetëm në aeroportin e Rinasit por edhe në vende të tjera. Edhe pse është e vështire, duhen marrë masa për rishikim të koncesioneve. Përgëzoj punën dhe ndërhyrjen e Policisë së Shtetit”, tha deputetja Ermonela Felaj, ish-ministre e Shtetit.
Ndërsa Mimi Kodheli, ish-ministre e Mbrojtjes, u shpreh se është një ngjarje e rëndë, por cënimi i sigurisë kombëtare është fjalë e madhe
“Cënimi i sigurisë kombëtare është fjalë e madhe, por ngjarja e Rinasit është e rëndë dhe duhet parë me seriozitet”, u shpreh Kodheli.
