Mjeku i njohur Petrit Vargu ka reaguar përmes një postimi në rrjet lidhur me grabitjen e ndodhur dje në Rinas. Vargu shkruan se ku vendi jepet me koncension këto janë pasojat dhe janë normale. Sipas tij, autorët e dhënies me koncension janë më tepër fajtorë se autorët e ngjarjes.
“Kur vendi jepet me koncension, këto janë pasojat dhe janë normale. Malli nuk ka zot dhe është mjet fitimi për gjithkënd.
Dikush lan duart duke thënë që siguria ka rënë, por duke harruar që vetë është pjesë e qeverisë së koncensioneve dhe që e njëjta gjë ka ndodhur kur vetë ka qenë drejtuese e një drejtorie në aeroport.
Natyrisht të gjithë po rendin mbas kapjes së autorëve, për t’i dënuar si fajtorët e kësaj tragjedie shtetërore, duke harruar që autorët e dhënies me koncension janë më tepër fajtorë se autorët e ngjarjes”, shkruan Vargu.
