Prej disa orësh policia po ushtron kontrolle në disa zona për kapjen e autorëve. Dyshimet janë se përveç shtetasit Admir Murataj që humbi jetën gjatë shkëmbimit të zjarrit, edhe një tjetër prej autorëve të dyshuar të ngjarjes mund të jetë plagosur. Burime policore bëjnë të ditur se janë gjetur gjurmë gjaku të ndryshme nga ai i Muratajt.
Ndërkohë një operacion i gjerë policor është shtrirë në fshatin Dritas, ndërsa në terren janë angazhuar mbi 100 forca policore, kryesisht speciale.
Madje në kërkim të grabitësve janë angazhuar edhe qen gjurmues, ndërsa janë ngritur postoblloqe dhe pika kontrolli.
Vëmendja e policisë është përqëndruar në zonat periferike të Qarqeve Tiranë dhe Durrës, ku dyshohet se mund të jenë strehuar autorët e dyshuar të grabitjes së djeshme në pistën e aeroportit të Rinasit.
Ndërsa duket se është përcaktuar edhe shuma e saktë prej 8 milionë eurosh, hetimet që po drejtohen nga Prokurorët e Krimeve të Rënda, janë intensifikuar.
