Kryetari i Paurtisë Demokratike Lulzim Basha ka bërë fajtor kryeministrin Edi Rama për grabitjen e një dite më parë në Rinas, që solli edhe një viktimë. Përmes një videoje të publikuar në faqen e tij në Facebook nga Vlora, Basha shprehet se vendosja e ushtrisë në Rinas për të ruajtur sigurinë tregon se shteti ka rënë.
Këtë lëvizje, Basha e quan një grusht shteti. Kryedemokrati bën thirrje për rrëzimin e Ramës nga pushteti dhe qeverisë së drejtuar prej tij që e quan një “bandë kriminale”.
“Në fund të një takimi të jashtëzakonshëm dhe plot energji në Vlorë dua t’iu kujtoj gjithë qytetarëve shqiptarë se njeriu që solli në qeveri dhe në parlament dhe për të mbrojtur aferat e tij me krimin, shkatërroi drejtësinë dhe policinë shqiptare, është përgjegjësi kryesor për ngjarjen më të rëndë të sigurisë kombëtare që në mënyrë të përsëritur ndodhi sot në Rinas: Cënimin e sigurisë përmes grabitjes së armatosur të linjës Tiranë-Vjenë. Ndaj ndonëse dislokimi i forcave ushtarake në mënyrë totalitisht anti-kushtetuese dhe të paligjshme është një provë e rënies totale të shtetit dhe kapitullimit të policisë para krimit. Asnjë alibi dhe fshehje pas aferave të dështuara korruptive mes Edi dhe Olsi Ramës dhe kompanisë koncesionare s’do mbulojë përgjegjësinë e drejtpërdrejtë të Edi Ramës që e ka sjellë vendin në kushtet e një grushti kushtetues përmes kapjes së parlamentit dhe zgjedhjeve me krimin dhe tani do ta sjellë në kushtet e një grushti të vërtetë shteti për të dislokuar trupat tani që policia qartësisht ka dështuar të kontrollojë sigurinë dhe rendin siç mund ta kontrollojë asnjë polici kur krimi është i lidhur me qeverinë. Ndaj rruga e vetme për të rikthyer sigurinë jo vetëm në Rinas po kudo ku ajo është e tronditur nga tritoli. vrasjet dhe grabitjet nuk është as largimi i koncesionarit, as largimi i policisë e as kthimi i Shqipërisë në një juntë ushtarake, por është largimi një orë e më parë i shkaktarit të kësaj gjendjeje, Edi Ramës dhe bandës së tij kriminale në pushtet”, tha Basha. /Boldnews.al/
https://www.facebook.com/lulzimbasha.al/videos/332349470756042/?notif_id=1554915409665451¬if_t=live_video_explicit
