Historiani Kastriot Dervishi ka ironizuar administratën publike, duke e cilësuar atë si më shkatarraqen që kemi pasur. Dervishi shprehet se kjo administratë ka nevojë për një kurs intensive shkresash.
Reagimi i plotë:
Asnjë shkresë zyrtare nuk e bëjnë si duhet
Kuvendi i Shqipërisë, është i pari që shkel ligjin në përpilimin e shkresave zyrtare. Nuk ka se si të mos japë shembullin e keq. Jemi apo s’jemi në kohën e administratës më shkatarraqe që kemi pasur?
“Zëvendëskryetarja”, këtë rast, apo kryetari e sekretari i përgjithshëm në raste të tjera, nuk janë institucione, por zyrtarë. Kësisoj funksioni nuk vendoset në kokat e shkresave zyrtare (është për institucionin aty), por vetëm në pjesën e poshtme nënshkruese.
Ec e të flasësh me këta për njohje ligji pastaj. Këta janë për kurs intensiv shkresash të gjithë.
