Kryendeshja e javës së 28-të të Kategorisë Superiore është padyshim ajo mes Partizanit dhe Skënderbeut, pavarësisht situatës momentale të dy ekipeve.
Ndryshe nga Partizani, korçarët kanë pasur më shumë kohë në dispozicion për të përgatitur ndeshjen e nesërme. Trajneri Orges Shehi, ka theksuar se sfida me Partizanin do të jetë shumë e luftuar dhe se do të ketë gjithçka brenda, pasi ndeshen dy skuadra që i kanë dhënë shumë kampionatit. Ai ka përsëritur besimin se Skënderbeu do të fitojë në KAS:
“Ndeshja me Partizanin është një ndeshje që i ka të gjitha brenda, ka kënaqësinë, emocionin dhe të gjitha. Janë dy skuadra që i kanë dhënë shumë kampionatit dhe kam bindjen se do të jetë një ndeshje shumë e vështirë dhe shumë e luftuar nga të dyja palët.
Radas? Ai është pjesë e skuadrës, ka qenë me leje nga klubi. Formacionin do ta bëj nesër, pra para ndeshjes, dhe aty do ta shikoni se cilët lojtarë do të zgjedhim të luajnë nga minuta e parë. Vendimi i KAS-it? Ne, si staf teknik, duam ta mbajmë larg skuadrën nga kjo çështje. Është një çështje, me të cilin merren avokatët dhe drejtuesit e klubit. Është një çështje që do të merret në shqyrtim këtë muaj dhe ne kemi besim se do të shpallemi të pafajshëm”, – ka thënë trajneri i Skënderbeu, Orges Shehi.
