Petrit dhe Dava Ndoj, 46 dhe 35 vjeç, humbën jetën si pasojë e një zjarri që shpërtheu në banesën e tyre në zonën e Pukës.
Zjarrit i shpëtuan 4 fëmijët e mitur 11, 12, 13 dhe 15 vjeç, si dhe dy të moshuar, njëri prej të cilëve i paralizuar.
Shtëpia është shkrumbuar tërësisht, ndërsa të miturit dhe të moshuarit janë strehuar te të afërm të tyre.
Tragjedia dyshohet se u shkaktua nga një shkëndijë elektrike, ndërsa zjarrfikësit dhe policia gjetën viktimat në dhomën e gjumit, në tentativë për t’i shpëtuar flakëve.
