Ditën e djeshme stilisti i famshëm amerikan Marc Jacobs i dha fund beqarisë. Ai është martuar me ish-modelin Char Defrancesco.
Ceremonia e dasmës u organizua në New York, ku morën pjesë edhe shumë personazhe të njohur si: Kate Moss, Naomi Campbell, Rita Ora, Gigi dhe Bella Hadid, e shumë, e shumë të tjerë.
“Unë jam 55-vjeç dhe po martohem. Është një kapitull i ri për mua. Unë dua ta jetoj jetën!”- ka pohuar stilisti i njohur për “WWD”.
Të sapomartuarit janë fotografuar duke shkëmbyer një puthje me njëri-tjetrin. Fotoja është përhapur gjithandej në media.
