Kryetarja e Lëvizjes Socialiste për Integrim, Monika Kryemadhi, ishte dje në bashkinë e Cërrikut ku zhvilloi takime me fermerë të kësaj zone. Kryemadhi tha se u njoh nga afër me problematikat e shumta qe hasin fermerët sot. Ajo tha se ata ndihen të papërkrahur dhe të pashpresë. “Ndihen të pashpresë, ndihen të papërkrahur, ndihen dhe të vetmuar në të gjithë angazhimin e tyre dhe në iniciativën e tyre që duan të bëjnë diçka për familjet e tyre”.
“Subvencionet janë zero për fermerët”, – tha Kryemadhi, ndërsa theksoi domosdoshmërinë “për të mos harruar fermerët, për të mos harruar bujqësinë, si sektori që mban barrën kryesore të ekonomisë shqiptare”.
“Mos të harrojmë që 20% e GDP-së, vjen si rezultat i bujqësisë shqiptare dhe subvencioni që vjen nga shteti nuk është as 0.7% e Buxhetit të Shtetit në ndihmë të fermerëve dhe të blegtorëve”, – evidentoi zonja Kryemadhi.
