Një 27-vjeçar shqiptar është arrestuar nga policia italiane në Gela të Siçilisë, i akuzuar si autori i dyshuar i një plagosjeje me thikë.
Lajmin e raportuan këtë të hënë mediat lokale. “Quotidiano di Gela” shkruan se mbrëmjen e djeshme u vu në pranga Igland Bodinaku, rezident prej kohësh në qytetin e Gela-s dhe me precedentë të mëparshëm penalë. Ai u përpoq të arratisej, megjithatë nuk arriti ti shpëtonte prangave.
Plagosja me thikë ndodhi të premten. Igland Bodinaku e priti ish të dashurën poshtë banesës së saj të kthehej në shtëpinë ku jetonte. Në rrugë, ai iu afrua dhe e qëlloi me thikë e më pas u largua për tu arrestuar dy ditë më pas. Motivi i plagosjes, sipas raportimeve të mediave lokale, ishte se vajza i kishte ndërprerë marrëdhëniet me Bodinakun. /Boldnews.al/
