Deputetja e Partisë Demokratike në Parlament, Rudina Hajdari ka folur në lidhje me vendimin për të mos djegur mandatin e deputetit.
E ftuar në emisionin “Open”, Hajdari tha se në asnjë moment nuk ka dyshuar, pasi vendimi i PD-së u bë pa u konsultuar.
“Në asnjë moment nuk e kam ndjerë se kam dyshim në këtë vendim, sepse akti i Partisë Demokratike për të dorëzuar mandatet, kishte disa problematika.
Nuk kishte një debat të gjerë për këtë vendim.
Unë nuk kam qenë fare pjesë e grupit parlamentar kur është dhënë ky vendim. Ndoshta duhej pritej që të konsultohej edhe me aleatët tanë ndërkombëtarë”,- tha Rudina Hajdari.
