Sulmuesi i Kombëtares shqiptare, Armando Sadiku, shpërtheu me të shara në shqip pas supergolit të realizuar ndaj Baselit në transfertë.
I pyetur për këtë reagim të sulmuesit shqiptar, trajneri i Luganos, Fabio Celestini, e ka pritur me humor festimin e “bomberit” 27-vjeçar.
Në prononcimin e tij pas ndeshjes, u shpreh: “Nuk e kam parë, çfarë ka ndodhur?! Unë po festoja, nuk e di, por nëse Sadiku e kishte me mua, uroj ta bëjë më shumë. Uroj të inatoset çdo fundjavë me mua pra. Unë kam një raport shumë të mirë me Armandon, pastaj më duhet të bëj disa zgjedhje, herë luan e herë jo. Por ajo që i kërkoj është që të bëjë gjithmonë atë që bëri sot, ndaj jam i lumtur. Sinqerisht nuk e kam parë festimin e tij”.