Christian Panuccit u shkarkua nga stoli i kombëtares shqiptare por ishte ende nën kontratë dhe sipas rregullores FSHF duhej ende t’ia paguante rrogën.
Por, së fundmi një lajm i mediave italiane duket se ka gëzuar drejtuesit e FSHF-së.
Drejtori sportiv i Lazios, Igli Tare, mund t’i ofrojë Panucci-t postin e trajnerit të Salernitanas. Ekipi italian është satelit i Lazios, pasi është në zotërimin e presidentit Claudio Lotito.
Shqiptari e njeh mjaft mirë karakterin e Panuccit, pavarësisht se një lëvizje e tillë nuk do t’u pëlqejë shumë tifozëve lacialë duke qenë se Panucci ka luajtur një jetë me Romën. Megjithatë, Tare do të fitonte disa tifozë të zjarrtë në zyrat e FSHF-së, për shkak të lekëve që do iu kursente.
Një lëvizje e tillë mund t’i shpërblehet Tares nga presidenti Armand Duka në rekomandimin e ndonjë trajneri, Edi Reja mbetet sërish në garë për stolin kuqezi.
