I zunë frymën djalit të tyre dy muajsh pasi e rrahën dhe i shkaktuan disa fraktura. Ngjarja e rëndë ndodhi në apartamentin e tyre në Burntwood, të Staffordshire, Angli.
Çifti Luke Morgan 26 vjeç dhe Emma Cole 22 vjeç, janë në proces gjyqësor prej pesë vitesh nga dita e ngjarjes, 29 prilli i vitit 2014.
Dyshohet se çifti e vrau djalin pasi fëmija ishte gjithë kohës zgjuar dhe i pengonte që të kishin marrëdhënie seksuale.
Prokurori i çështjes Andrew Smith, tha se vogëlushi Tyler kishte vdekur, para se nëna të lajmëronte ndihmën e shpejtë dhe se atij i ishte zënë fryma nga prindërit.
Po ashtu rezulton se vogëlushi ishte rrahur egërsisht, për shkak të shenjave dhe frakturave në trupin e saj.
Konkluzioni i akuzës është se Morgan dhe Cole po ziheshin me njeri tjetrin. Pasi mbërriti ndihma e shpejtë, Morgan tha se fëmija kishte vdekur në krevat, shkruan noa.al.
Nga ana e saj Cole tha se e lajmëroi ndihmën e shpejtë, pasi kur u zgjua e pa djalin që nuk lëvizte. Mirëpo hetimet dhe dëshmitë e fqinjëve, e rënduan pozitën e çiftit.
Pas pak javësh pritet përfundimi i procesit gjyqësor i dy të rinjve, si dhe dënimi përfundimtar ndaj tyre.
