Të gjithë presin Hazard-Mbappe, Reali kërkon transferimin e ‘yllit’ nga Serie A

Talenti i Juventusit, Moise Kean, ka përfunduar në radarin e Real Madridit.

Kean po kalon një formë të jashtëzakonshme me fanellën e “Zonjës së Vhjetër” duke tërhequr vëmendjen e disa nga klubeve më të mëdha në Europë.

Francezi Zinedine Zidane dëshiron të shtojë opsionet e tij sulmuese në sezonin e ardhshëm dhe dëshiron të sjellë talentin Kean në “Santiago Bernabeu”.

Sipas mediave spanjolle, Real Madridi do të testojë vendosmërinë e Juventusit me një ofertë këtë verë për sulmuesin e ri.

Transferimi i tij gjithashtu do të jetë i vështirë edhe për faktin se Juventusi dëshiron ta blindoj me kontratë të re.