Fakulteti Ekonomik i Universitetit të Tiranë ishte një ndër fakultetet që mori më shumë vëmendje mediatike gjatë protestave studentore për shkak të dhunës së ushtruar nga policia ndaj studentëve brenda godinës se fakultetit dhe kërkesës me ngulm të studentëve për shkarkimin e dekanit të tyre Dhori Kule pasi nuk mbrojti interesat e studentëve. Por, diçka e tillë nuk ndodhi, Dhori Kule vazhdoi të jetë i paprekshëm dhe studentët iu rikthyen sërish normalisht mësimit.
Sot, faqja në Facebook, “Lolita” ka ardhur një denoncim se dekani i këtij fakultetit, Dhori Kule po shpërblen studentët që i dolën në mbrojtje dhe punuan për fikjen e protestës së studentëve duke iu dhënë poste. Denoncuesi thotë edhe se nuk është realizuar asnjë premtim i dhënë.
Postimi i plotë:
Përshëndetje Lolita!
Unë që po ju shkruaj jam një student i fakultetit të Ekonomisë dhe desha që nëpërmjet jush të denoncoj shpërblimet qe po jep dekani i fakultetit dhe kancelari ndaj studentëve, të cilët që në fillimin e protestës studentore si qëllim të vetëm kishin fikjen e saj. Para disa kohësh në fakultetin tonë u zhvilluar një mbledhje ku një nga kërkesat kryesore ishte dorëheqja e dekanit, i cili në asnjë moment të vetëm nuk denoi dhunën e policisë ndaj studentëve të fakultetit! Në atë mbledhje ka qenë e pranishme edhe një pedagoge, konkretisht Mimoza Manxhari, për të cilën menjëherë pas mbledhjes u publikua edhe një video, një video e shkëputur nga konteksti ku sikur pedagogia në fjalë sulmonte studentët. Video është bërë nga studenti i masterit Kristian Kina dhe shokët e tij të cilët kishin ardhur në mbledhje me një qëllim të vetëm: PRISHJEN E MBLEDHJES DHE MBROJTJEN E DEKANIT. Sot që unë po iu dërgoj këtë mesazh Kristiani Kina, i cili është edhe përfaqësues i studentëve në senatin akademik, por që në asnjë rast të vetëm nuk i ka përfaqësuar ata, u shpërblye duke u bërë pedagog i lendës së Menaxhimit në vitin e parë, ndërsa dy prej shokëve të tij më të afërt janë punësuar në mirëmbajtjen e fakultetit. Në fakultetin e ekonomisë nuk është realizuar asnjë prej premtimeve të dhëna në mbledhjen e datës 17 Dhjetor. Kancelari i fakultetit të ekonomisë Ermal Haxhiaj, detyron studentët që ka punësuar në fakultet t’i bëjnë share statuseve dhe postime që ai bën në profilin e tij për punët e fakultetit. Vlerësimi i pedagogëve që u premtua menjëherë sapo të fillonte sezoni i parë nuk u realizua dhe premisat janë që dicka e tillë ska për të ndodhur asnjëherë.
Më poshtë keni edhe një video të përplasjes së pedagoges dhe studentëve që sot janë të besuarit e drejtuesve të fakultetit dhe më kryesorit dekanit Dhori Kule.