Presidenti i Lyonit, Jean-Michel Aulas, ende nuk e ka vendosur se cili do të jetë trajneri i skuadrës së tij sezonin e ardhshëm për për një gjë është i sigurt: nuk do të jetë Jose Mourinho.
Pak ditë më parë, prestigjiozja franceze L’Equipe shkruante në faqen e parë se trajneri portugez mund të zbarkojë në Ligue 1, duke lënë të kuptohej që Lyoni ishte një opsion, por Aulas vë pikat mbi “I”.
“E takova Mourinhon verën e kaluar në Moskë, folëm pak, por jo për mundësinë që të merrte Lyonin. Nuk është i përshtatshëm për realitetin tonë ekonomik.”
Sa I përket mundësisë për të vijuar bashkëpunimin me Bruno Genesio, Aulas saktësoi:
“A ne dhe as misteri nuk kemi vendosur gjë, presim fundin e sezonin për ta zgjidhur këtë çështje. Duhet të jemi të fokusuar në kampionat për të zënë në fund vendin që të çon në Champions. Rinovimi me Genesion nuk përjashtohet, varet nga rezultatet.”