Korab Lita ka marrë nga KQZ mandatin e deputetit. Lita ka qenë kandidat për deputet në Qarkun Tiranë në zgjedhjet e fundit parlamentare.
Nismës së opozitës së bashkuar për të qenë jashtë parlamentit, që e quajnë të kriminalizuar, nuk i janë bindur disa deputetë apo kandidatë për deputetët në zgjedhjet parlamentare të 2017-ës.
Disa syresh, si Rudina Hajdari, Lefter Koka apo Myslym Murrizi, nuk dorëzuan mandatin e deputetit. Ndërsa të tjerë pranuan të zinin venet vakante në parlament, pas dorëzimit të mandateve nga deputetë të opozitës. Dy grupimet krijuan kështu të ashtuquajturën “opozita e re”.
Me marrjen e mandatit të deputetit nga Lita, numri i deputetëve në Kuvend shkon në 100. /BN/
*Listat/ Ja kush janë deputetët që refuzuan mandatet (EMRAT)
