Një ngjarje vërtetë interesante ka ndodhur në një nga ligat amatore të Italisë. Futbollisti që ishte pranë fundit të karrierës, Ignazio Barbagallo zgjodhi një mënyrë të çuditshme për t’i dhënë fund karrierës në futboll.
Gjatë ndeshjes të vlefshme për kampionatin e kategorisë 3 të mbajtur në fushën komunale “Francesco Russo” në Viagrande, në provincën e Catania, futbollisti kishte përgatitur këtë skenar të frikshëm, por të bukur.
Ai kishte angazhuar një helikopter me dy persona të maskuar të cilët inskenuan një skenë filmi duke rrëmbyer lojtarin nga fusha e blertë.
Ngjarja shkoi sipas planit, derisa italiani u “rrëmbye” me paramendim ndërsa të gjithë mbetën të shokuar nga ai moment.
“Doja ta përfundoja karrierën me lavdi” ka thënë Barbagallo.
