Ditmir Bushati raportohet se është kërcënuar me jetë nga kryeministri Edi Rama pas fjalimit të djeshëm të ish-krye diplomatit në parlament.
Lajmi është publikuar nga portali “Syri.net” që i referohet gazetaresh “Koha Jonë” të botuesit Nikollë Lesi.
“Burime të besuara tregojnë se sot në pikë të mëngjesit kryeministri ka marrë Ditmir Bushatin dhe i ka thënë se ‘Nëse Shkodra ka pesë heronjtë e Vigut, nga ky çast ti do të jesh heroi i 6-të i Vigut!’. I pyetur për këtë ish-ministri Bushati nuk dha asnjë koment. Burime pranë stafit të Bushatit thonë se Ditmiri nuk ha presion se është nga familja e madhe e bushatllinjve e cila nuk ka pyetur për turkun e jo më për miqtë e turqve! Pesë heronjtë e Vigut janë një histori shqiptare, ku pesë misionarë të lirisë nga e keqja që kishte kapur Shqipërinë u vranë në Vig të Mirditës, në pritë e pabesi. Ditmir Bushati është deputet i Shkodrës dhe zonën e Vigut e ka nën patronazh. Historia njeh 5 heronjtë e Vigut, por jo 6 heronjtë e Vigut, siç ia ka thënë me presion dhe shantazh kryeministri”, raporton portali.
Lexo edhe: ‘Zgjohuni ka ende shpresë’/ Ish-ministrja apel të fortë socialistëve pas fjalimit të Bushatit
