Pas propozimit të deputetes së Opozitës së Re, Rudina Hajdarit për të nderuar me 1 minut heshtje ata që sakrifikuan jetën në masakrën e 2 Prillit në Shkodër, të shumta kanë qene edhe reagimet.
Edhe ish-deputetja e rrethit të Shkodrës, Izmira Ulqinaku nu ka nguruar të shprehë indinjatën e saj lidur me shtirjen e politikës ndërkohë që janë pikërisht ata fajtorët e vërtetës të vrasjeve. Përmes një statusi në Facebook ajo shprehet se vrasësit e demokracisë nderuan sot 2 prillin dhe dëshmorët e tij.
Statusi i plotë
U ndjeva e tradhëtuar sot, kur degjova se vrasësit e Dëshmorëve të 2 Prillit ishin ftuar t’i nderojnë ata me 1 minutë heshtje në Parlament!
Një teatër mjeran që uron për paqen e shpirtrave të Dëshmorëve të Demokracisë nga Parlamenti i diktuar prej votës së blerë nga krimi i organizuar dhe bandat e pushtetit.
Paqen e dëshmorëve të votës së lirë e prish ekzistenca Gramoz Ruçi, ekzistenca e partisë së Sigurimit të Shtetit e Byrosë Politike, që sërish sot ka shkelur mbi votën e lirë, e mbi gjakun e atyre shpirtrave që s’po i lini të prehen në paqe!
Gramoz Ruçi dhe Edi Rama! Shpirtat e tyre do të paqtohen ditën kur ju të ndëshkoheni nga vota e lirë! Dhe ajo ditë po afron!
