Kryeministri Edi Rama la të kuptohet se është kudër një sistemi zgjedhor me lista të hapura, gjatë fjalës që mbajti këtë të mërkurë në parlament.
Rama u shpreh se në stadin ku ndodhen vendi, sistemi zgjedhor aktual garanton më shumë përfaqësi.
“Mos harrojmë se s’ishte 80 vjet përpara, ishte 10 – 15 përpara kur parlamenti kishte 2-3 gra dhe është fakt që me këtë sistem ne kemi krijuar kushte për të pasur një zgjedhje shumë më përfaqësues të shoqërisë dhe jo thjesht për tu lidhur pas individësh që mund të realizojnë marrjen e mandatit në një zonë apo në një zonë tjetër por që nuk garantojnë kurrsesi, të paktën në këtë fazë zhvillimi të vendit tonë një përfaqësim të larmishëm dhe shumë më pranë ngjyrave të vetë shoqërisë. Ky është fakt. Këtë mund ta dëshmojnë me siguri në radhë të parë të gjitha zonjat që janë këtu në parlament por dhe çdo kush që ka një eksperience me jetën parlamentare në Shqipëri dhe zhvillimet e parlamentit”, tha Rama. /Boldnews.al/
