Kryeministri Edi Rama ka folur për shkarkimet te Hetimi Tatimor gjatë takimit që zhvilloi me studnetë të pasditen e sotme.
Rama foli për një “reformë” në këtë institucion. Ai u shpreh se punonjësit e tatimeve shfaqen nëpër biznese me pantallona të shkurtra, si persona në kërkim, kështu që sipas kryeministrit ky institucion do të reformohet totalisht duke punësuar ekselentë.
Më tej kryeministri tregoi se një shitëse i kishte filmuar punonjësit e tatimeve, teksa i bënin presion.
“Hetimi tatimor nuk mund të jetë funksional sikur e duam ne, nëse ata që shfaqen te dera për të kërkuar llogari, duken si njerëz në kërkim.
Është e pamundur, mua m’u ankua njëherë një shitëse, edhe tha më bëjnë presione. Po anonim të lutem, tha, i thashë i dua me emra…edhe ajo u bëri një video atyre. Unë nuk e besoja dhe mendova se ishin persona që ishin në kërkim, nuk e besoja dot. Hetues tatimor me ato çantat e vogla me rrip, pantallona të shkurtra, kam pas mbajtur edhe unë por nuk isha hetim tatimor, por piktor.
Tani duam të bëjmë reformë atje dhe të thërrasim ekselentë dhe të bëjmë një zgjerim. E kishim kufizuar te ata që kanë mbaruar këtë vit dhe sivjet, pro e zgjeruam në 4-5 vitet e fundit, dhe nga 375 të punësuarit, 10 ekselentë kanë ardhur nga jashtë shtetit, do të vijnë të tjerë me siguri. Unë bëmë si vendi, se kush mëson më shumë është budalla. Duhet të krijohet Akademia Fiskale”, u shpreh kryeministri.
