Ajo është një ikonë e bukurisë shqiptare e me gjasë do të mbetet ndër të vetmet femra që i kanë mbijetuar të gjithë trendeve dhe imazheve të ekranit. E megjithatë, bukurinë e Valbona Selimllarit nuk mund ta sfidojë dot as vetë ajo.
Edhe pse e kemi parë në shumë konkurse, spektakle dhe emisione televizive duket se Selimllari do të mbahet mend më shumë vetëm për pamjen e saj ëngjëllorë dhe padyshim një profil të ulët ndaj mediave rozë, larg skandaleve dhe propagandës me jetën personale.
Por, vetëm kaq mund të themi se ish-missi shqiptar është në gjendje të bëjë. Të gjitha përpjekjet e saj për të ‘shkëlqyer’ në botën e ekranit duket se janë venitur dhe ajo ka gjetur ‘strehë’ në administratën e shtetit, pranë Bashkisë së Tiranës.
Megjithatë, edhe pse pozicioni i saj ekzakt është ende një dyshim, ish-missi vazhdon të bëjë një jetë luksoze mes udhëtimeve, veshjeve të shtrenjta dhe pamjes gjithnjë e më të kuruar. Ose me sakt, një jetë që një punë në administratën shqiptare nuk do ta jepte kurrë luksin ta provoje për shkak të pagave tepër të ulta.
“Kur edhe në traget të duket vetja si në shtëpi”,-shkruan valbona Selimllari përkrah fotos së postuar mes miqsh në një udhëtim.
Modelja po shijon disa ditë me mikeshën e saj e duket se nuk janë kursyer fare. Por, nuk kanë munguar as komentet e ndjekësve të cilët kanë hedhur hamendësime të ndryshme lidhur me shpenzimet ‘e tepërta’ të modeles.
Me çfarë dhe për çfarë paguhet vallë një bukuroshe e përjetshme në administratën e një isnstitucioni shtetëror mëse të njohur për afera korruptive dhe ‘meritokraci’?
