Ish-ministri i Drejtësisë Ylli Manjani, nëpërmjet një statusi në rrjetet sociale i ka kërkuar kryeministrit Edi Rama, që të kërkojë falje publike, ashtu si ai do që ti kërkojnë atit kur i përmendin familjen.
Kujtojmë se ditën e sotme kryeministri Edi Rama, ka sulmuar kryebashkiaken e Përrenjasit, Miranda Rira, e cila prej pak ditësh është bërë nënë. Rama u shpreh se pas 30 qershorit, Rira do merret me fëmijën.
Postim i plotë
Në emër gjithë sa ka thënë vetë Ai, kundër të gjithë atyre që publikisht kanë linçuar familjarët e Tij, Edi Rama duhet ti kërkojë falje publike Miranda Rirës!
Me të njëjtin standart që ai kërkon nga të tjerët për fëmijët e tij, asgjë më shumë. Duhet thjesht dhe njerzisht të kërkojë ndjesë Mirandës dhe familjes së saj.
Jo LSI, as Opozitës se është e tepërt, por thjesht Mirandës!
Nëse do që të ketë të drejtë ende të kërkojë të mos ja përmendin fëmijët e Tij, duhet ta bëjë dhe menjëherë.
Do ta përshëndes po e bëri një gjë të tillë. Nuk është politikë kjo e linçimit të familjes dhe jetës private.
