Nga Boldnews.al
Ai që po quhet së fundmi “ministër-dhëndër”, i ngarkuari me punë si Ministër i Jashtëm, Gent Cakaj, ndërmori një fushatë të fuqishme diplomatike për integrimin e Shqipërisë-u angazhua për heqjen e targave diplomatike të Konsujve të Nderit të shteteve të huaja në vendin tonë.
Përtej kotësisë së kësaj sipërmarrjeje, Cakaj riktheu në vëmendjen e publikut rolin e Konsujve të Nderit të Shteteve të Huaja në Shqipëri, sidomos angazhimin e tyre, në të cilat, në shumicën e rasteve janë në interes vetëm të atyre mbajnë këto detyra.
“Konsulli i nderit i shtetit të huaj”, një pozicion honorifik diplomatik i njohur në të gjithë botës, është në përgjithësi një njeri i suksesshëm në jetën e tij profesionale, në biznes, art, kulturë, etj, i cili angazhohet të forcojë raportet e Shtetit që i jep këtë titull me një shtet tjetër, i cili është larg gjeografikisht ose që nuk mbulohet plotësisht me shërbimin diplomatik.
Gent Cakaj, pasi lajmëroi në fillim të kësaj jave heqjen e disa privilegjeve diplomatike të “konsujve të nderit”, risolli në publik listën e tyre dhe vendet ku ushtrojnë këtë “detyrë”.
Në krye të kësaj liste qëndron biznesmeni. Ai ka titullin e “Konsullit të Nderit” të Tajlandës në Shqipëri. Sipas këtij roli, ai duhet të kontribuojë për të sjellë “frymën” e Tajlandës në Shqipëri. Nuk ka asnjë rekord publik se cili është rezultati i raporteve Shqipëri-Tajlandë. I dukshëm është vetëm fakti që, në disa qendra luksoze estetike shërbehet masazh, nga vajza të specializuara në këtë shërbim, tajlandeze apo filipineze.
Lista vijon me Mimoza Ndroqin, bashkëshorten e pronarit të televizionir ‘Ora”, Ylli Ndroqi. Mimoza është “konsulle nderi” e Kosovës në Shqipëri.
Por, një shkrim i gazetës “Express” të Kosovës, publikuar më 1 Prill 2019, hedh dyshime mbi emërimin e znj. Ndroqi në postin honorifik.
Shkruan gazeta “Express”: “Në Ministrinë e Punëve të Jashtme- thonë për Gazetën Express- se Mimoza Ndroqi ka qenë vetëm e propozuar, por nuk është zyrtarisht konsulle e nderit në Shqipëri. “Mimoza Ndroqi nuk është konsulle e nderit e Kosovës në Shqipëri”, thuhet në përgjigjen e MPJ’së.
Mirëpo, ndryshe prej asaj që thuhet nga MPJ’ja, Ndroqi në Shqipëri qëndron formalisht si konsulle e nderit nga Kosova. Në faqen zyrtare të Ministrisë së Jashtme të Shqipërisë, emri i saj figuron si një nga dy konsujt e Kosovës.
Lista e ‘Konsujve të Nderit” të shteteve të huaja në Shqipëri është e gjatë dhe në radhët e saj gjenden kryesisht biznesmenë shqiptarë, të cilët kanë aktivitet tregtar edhe jashtë vendit tonë. Deri më tani, këta konsuj përfitonin disa privilegje, ndër të cilat edhe të udhëtonin me automjete të targuara me ‘CD” (Corpus diplomaticus-Trup Diplomatik).
Ministri i Jashtëm në detyrë, Gent Cakaj, mori masën ‘e fuqishme”, duke u hequr të drejtën e përdorimit të targave CD.
