“Paulin Sterkaj u kap në dosjen 184 duke bërë pazar me Ymer Lalën për të vjedhur bashkinë e Dibrës”, u shpreh nga Shkodra, kreu demokrat Lulzim Basha, ku zhvilloi një takim me qytetarët dhe të rinjtë e këtij qyteti.
Duke folur për decentralizimin e pushtetit dhe për nivelin e përfaqësimit që Qarku i Shkodrës ka në parlament, Basha theksoi se në Dukagjin kemi deputet një ish-trafikant që pastaj është veshur me uniformë policie dhe është kapur pastaj në dosjen 184, duke bërë pazare me Ymer Lalën për të vjedhur bashkinë e Dibrës.
“Shqipëria e transformuar, Shqipëria e ndryshuar është kjo Shqipëri që do u takojë elvis dedëve dhe qindra të rinjve dhe jo Paulin Sterkajve dhe një grushti tjetër kriminelësh që i bëjnë duanë Edi Ramës nga mëngjesi deri në darkë”, tha Basha.
