Partia Socialiste ka vendosur të shtyjë me 3 muaj mandatin e Komisionit për Reformën Zgjedhore. Kjo do të thotë se nëse në seancën e 3 prillit do të miratohet ky propozim, atëherë mandati i komisionit do të jetë deri me 3 korrik.
Por, në 30 qershor janë zgjedhjet vendore të dekretuara nga Presidenti, që do të thotë ose zgjedhjet do të mbahen me Kodin aktual, ose mazhoranca po bën lëvizjen e butë për shtyrjen e tyre.
Nëse ndodh kjo atëherë zgjedhjet vendore mund të zhvillohen në vjeshtë, mes periudhës 15 shtator-15 nëntor, sikundër parashikohet në Kodin zgjedhor, si stinë zgjedhore.
Nuk dihet nëse propozimi i PS është një lëvizje drejt asaj që të shkojë në shtyrje zgjedhjesh, pasi me një mungesë të opozitës në proces, nuk mund të ketë zgjedhje normale, apo është një tentativë e Rilindjes për të mbushur boshllëkun që mund të krijohet në komisionet e qendrave të votimit.
Por gjithsesi me shumë gjasa duket një lëvizje që mund të çojë në shtyrjen e zgjedhjeve lokale me pretekstin e reformën zgjedhore dhe jo presionit nga opozita. /Boldnews.al/
