Duke filluar nga ky muaj shoferët e makinave duhet të tregohen akoma edhe më të kujdesshëm në drejtimin e automjeteve dhe respektimin e ligjeve. Kjo nuk shërben më vetëm për sigurinë tuaj të jetës dhe shëndetit por edhe për xhepat e shoferëve.
Në bazë të udhëzimit “Mbi zbatimin e sistemit Bonus-Malus në sigurimin MTPL e brendshme”, të miratuar në mbledhjen e fundit të Bordit të AMF-së, nga dita e sotme nis rregjistrimi i dëmeve për mbajtjen e historikut.
Kjo nënkupton se në bazë të historikut të akseidenteve që do të kryeni, nëse jeni fajtor për aksidentin do të kenë rritje të çmimit të siguracionit, duke nisur nga viti i ardhshëm.
Sipas kësaj nënkuptohet se ata që do të kenë më pak aksidente në historikun e tyre, do të kenë edhe më pak para për të paguar. Drejtuesit e kujdesshëm, që nuk do të realizojnë aksidente në këtë periudhë do të përfitojnë ulje në çmimin e siguracionit TPL, duke filluar nga viti i ardhshëm. Vendimi i Bordit të Autoritetit u mor në kuadër të mbrojtjes konsumatore dhe zhvillimit të tregut të sigurimeve. Nga ana teknike procesi është transparent dhe përfshirja e formulave matematikore e bën një mekanizëm të drejtë, të besueshëm dhe sipas meritës.
