Gent Cakaj u bëri thirrje konsujve të nderit për të dorëzuar targat diplomatike të automjeteve.
Cakaj tha se parashikohet që konsujt të kenë targa të zakonshme dhe pajisja e tyre me targa diplomatike është një abuzim. I ngarkuari me punë si kryediplomat nga kryeministri dhe ministri i Jashtëm Edi Rama, u shpreh në një deklaratë për mediat që konsujt duhet të dorëzojnë targat diplomatike.
“38 konsuj nderi të Shqipërisë, përdorin një automjet me targa kombëtare dhe me një shenjë Në shkelje të habitshme të këtij ligji janë plot 38 konsuj nderi, të pajisur me targa CD, të cilët hyjnë e dalin në vend si përfaqësues më të lart diplomatikë. Ky privilegj është i pajustifikueshëm dhe duhet të marrë fund. Informoj të gjithë personat në fjalë do të fillojë menjëherë me kontaktimin e tyre, dhe do të dorëzojnë targat diplomatike. Në bashkëpunim me ministrinë e Brendshme dhe atë të Transportit, do të merren të gjitha masat që targat në fjalë të dalin jashtë funksionit. Kjo masë nuk ndërlidhet me emra të veçantë, por vjen nga domosdoshmëria e respektimit të ligjit. Ne jemi në përgatitje edhe të një mase tjetër, për fuqizimin e dinjitetit të pasaportës diplomatike shqiptare, dhe shumë shpejt do t’u komunikoj rezultatet e kësaj nisme”, u shprehet Cakaj.
Pak ditë më parë, Gent Cakaj paralajmëroi një reformim në sistemin diplomatik, ndërsa së fundmi ka bërë disa lëvizje diplomatësh.
/Boldnews.al/
