Dy persona janë vënë në pranga të akuzuar nga policia si ekzekutorët e një atentati që mbeti vetëm në ‘letër’. Burime zyrtare nga policia e Lezhës bënë me dije se u arrestuan S.H. , 18 vjeç, lindur në Gramsh dhe banues në Elbasan dhe M. K. 43 vjeç, me banim në fshatin Shënkoll të Njësisë Administrative Shënkoll.
Aksioni
Burime zyrtare nga Policia bënë me dije se: rreth orës të së shtunës, strukturat e komisariatit te policisë lezhë, falë marrjes në kohë të informacionit për një ngjarje të rëndë kriminale që do ndodhte gjatë natës në fshatin Rrilë, menjëherë kanë organizuar dhe zhvilluar operacionin policor të koduar “Porosia”, që vuri në pranga dy persona.
Shtetasi S.H., i porositur nga shetasi M.K, më datë 30.03.2019 (e shtunë), gjatë orëve të vona të natës do të qëllonte me armë zjarri në drejtim të një shtetasi me banim në fshatin Rrile të bashkisë Lezhë (ku për arsye hetimi policia nuk bën me dije gjeneralitetet e tij) dhe më pas do t’i merrte automjetin në oborrin e banesës së tij për tu larguar.
Falë marrjes në kohë të informacionit si dhe zhvillimit të operacionit “Porosia”, rreth orës, 20.00, nga policia e Lezhës ë është kapur në flagrancë shtetasi S.H, në fshatin Rrile të Njësisë Administrative Shënkoll të bashkisë Lezhë në afërsi të një dyqani ushqimor me një armë zjarri automatik kallashnikov.
Në cilësinë e provës materiale janë sekuestruar sendet si më poshtë:
-një armë zjarri automatik kallashnikov
-një karikator me fishekë 30 copë.
-një çantë me ngjyrë të zezë ku brenda saj kishte 45 fishekë model 56.
-një kapuç ngjyrë të zezë.
-një palë doreza ngjyrë të zezë.
– dy aparate telefoni celular të markës Samsung.
Materialet procedurale do t’i kalojnë Prokurorisë së Rrethit Gjyqësor Lezhë, për veprën penale “Vrasje me paramendim në bashkëpunim e mbetur në tentaivë”, në ngarkim të shtetasit M.K., ndërsa “Vrasje me paramendim në bashkëpunim e mebetur në tentativë”, “Mbajtja pa leje dhe prodhimi i armëve”, në ngarkim të shtetasit S.H. /BN/
