Mund të ketë dalë i lehtësuar nga Kongresi i Partisë Socialiste, 8 ditë më parë, por telashet e konfirmimit nuk kanë përfunduar për Dritan Lelin.
Megjithëse siguroi mbështetjen direkte të Edi Ramës si kryeministër, kryetar partie apo edhe deputet i Vlorës, nuk po gjen mbështetjen e bazës në Vlorë. Veçanërisht pas Kongresit, kur u konfirmua kandidatura e Lelit, socialistët lokalë shpërthyen në pakënaqësi.
Pasi i kishin kërkuar më parë Ramës të gjente një kandidat tjetër, ata tani kanë vendosur të bëjnë një sondazh dhe t’I çoojnë rezultatet në qendër, me shpresën se Leli do të zëvendësohet pavarësisht konfirmimit.
Sondazhin e ka marrë përsipër kryesia e PS në Vlorë, ndërsa Leli, i kapur në befasi ka filluar një fushatë të dytë, këtë herë me anëtarë të PS, ndërsa kryetri i degës lokale ka dalë hapur kundër tij.
Si masë të parë, kryetari i Bashkisë kërkoi mbështetjen edhe për 4 vjet nga këshilltarët bashkiakë aktualë, të cilët i falenderoi dhe u premtoi se do të jenë prioriteti i tij edhe në 4 vitet e ardhshme. Megjithëse nuk ka kandidat nga opozita, Leli ka filuar takimet në fshatrat e Bashkisë, me synimin që të kthejë socialistët e Vlorës, shumica e të cilëve e kanë kontestuar. Pas sondazhit, gjithsesi, do të jetë Kryetari i PS dhe Kryeministri ai që do të vendosë.
/Dosja.al/
