Policia zbardh ngjarjen e ndodhur një ditë më parë, ku në oborrin e një banese shpërtheu një sasi lënde eksplozive, duke shkaktuar dëme materiale.
Identifikohet dhe shpallet në kërkim autori i dyshuar, i cili sipas policisë është djali i pronarit të banesës.
Ngjarja
Burime zyrtare nga Policia njoftuan se: Në lidhje me ngjarjen e ndodhur rreth orës 00:40 të datës 30 mars 2019, ku në oborrin e banesës së shtetasit Frederik Osmënaj ka shpërthyer një sasi eksplozivi duke shkaktuar vetëm dëmtime të vogla materiale, pas hetimeve intensive të Policisë së Vlorës është bërë e mundur zbardhja e ngjarjes, motivit të saj, si dhe identifikimi e shpallja në kërkim e autorit të dyshuar.
Nga tërësia e veprimeve hetimore të kyera ka rezultuar se autor i dyshuar i ngjarjes të jetë i biri i shtetasit Frederik Osmënaj, shtetasi Ervis Osmënaj. Ngjarja dyshohet se ka ndodhur për motive pronësie dhe konflikteve të vazhdueshme midis tyre.
Vijon puna për kapjen e shtetasit Ervis Osmënajt, të shpallur në kërkim, njoftoi Policia e Vlorës, ndërsa materialet në lidhje me këtë ngjarje i kaluan Prokurorisë së Rrethit Gjyqësor Vlorë për veprime të mëtejshme. /BN/
