Nga Boldnews.al
Ministri i Brendshëm, Sandër Lleshaj deklaroi nga Shkodra se “qytetarët nuk kane pse shqetësohen nga atentatet në seri”, pasi, sipas asaj që la të kuptohet ai, to janë sulme për hakmarrje me objektiva të paracaktuar.
Lleshaj, i cili rivalizon denjësisht personazhin komik të shkrimtarit ccek, Hashek, ushtarin Jozef Shvejk, nuk arrin ta kuptojë se vrasjet e vitit të fundit në Shkodër, qoftë edhe për hakmarrje, kanë ndodhur në mes të qytetit, në tregun ushqimor apo në ambjente të tjera publike, në prani të një numri të madh njerëzish.
Por, për Lleshin e Ramës, shkodranët duhet të rrinë të qetë se Policia ka punuar dhe po punon për sigurinë e tyre.
I pyetur nga gazetarët lokalë se ccfarë po bëhet me 11 atentatet e përgjakshme të muajve të fundit, ende të pazbardhura, Lleshaj e shpreh ftohtë “do zgjidhen”, pa shpjeguar se si mund të ndihen të qetë shkodranët me autorët e lirë dhe ende të pazbuluar te 11 atentateve mafioze të përgjakshme.
Në daljen mediatike butaforike nga Shkodra, Lleshaj ishte i shoqëruar nga disa zyrtarë të lartë, të cilët, së bashku me të duhet t’u kërkonin ndjesë qytetarëve shkodranë dhe shqiptarë për paaftësinë e tyre, të jepnin dorëheqjen dhe të mos dalin më në publik.
Fytyra më e vrerosur që qëndronte pas shpatullave të “Shvejkut” Lleshaj ishte Vehbi Bushati, i cili mbajti postin e drejtorit të Policisë së Qarkut Shkodër deri mbrëmjen e së Shtunës.
Me të në krye, Policia e Shkodrës dështoi në mënyrë spektakolare të zbulonte e të vinte para pëegjegjësisë ligjore kriminelët që e shndërruan Shkodrën në një “Palermo” të viteve ’70.
Një tjetër personazh, i fryrë në krah të Lleshajt, Niko Brahimaj, zuri vendin e Bushatit. Ministri i Brendshëm e prezantoi Brahimajn si njeriu që do të shpëtojë Shkodrën nga krimi.
Por, Brahimaj, është gjithashtu përgjegjës i drejtëpërdrejtë për situatën kriminale në qytetin verior.
Ai ishte në postin e Drejtorit të Hetimeve të Krimeve të Rënda në Drejtorinë e Përgjithshme të Policisë, struktura përgjegjëse për drejtimin, koordinimin dhe zbulimin e ngjarjeve të tilla, sicc është zinxhiri i atentateve mafioze në Shkodër.
Pasi dështoi nga Qendra, tashmë Brahimaj komandohet në Shkodër për të zgjidhur situatën me forcat policore lokale, një pjesë e të cilave me lidhje të forta me grupet kriminale të qytetit.
Dhe në fund, me pamje të padituri, qëndronte Drejtori i Përgjithshëm i Policisë, Ardi Veliu. Ky do të mbahet mend vetëm për përdorimin e gazit lot-sjellës kundër qytetarëve protestues. Asgjë më shumë.
