Dy vëllezër Astrit dhe Ibrahim Bilali u ekzekutuan mëngjesin e sotëm në derën e banesës teksa po dilnin, nga autorë ende të paidentifkuar. Një ngjarje e rëndë që tronditi opinionin publik në mbarë vendin dhe trazoi politikën.
Një nga viktimat, Astrit Bilali, është babai i Astmer Bilalit, ish kampionit të boksit me Vllazninë.
Ai u arrestua gjatë një operacioni vitin e kaluar si pjesë e grupit kriminal të Bajrave dhe aktualisht ndodhet në burg. Ndaj dhe atentati i dyfishtë sot mendohet të jetë një mesazh për djalin dhe nipin e viktimave.
Sipas burimeve nga policia e Shtetit, pista kryesore ku janë përqëndruar hetimet janë larja e hesapeve mes grupeve rivale dhe hakmarrja.
Asmer Bilali i doli emri në media edhe gjatë vrasjes së biznesmenit Arjan Ferracaku, ku sipas shumë burimeve objektivi i vërtetë i atij atentati ishte pikërisht ai, shok i ngushtë i viktimës.
Të dy personat ishin shumë të ngjashëm fizikisht dhe kishin pasion sportin e hipizmit dhe shpesh herë dilnin bashkë për të kalëruar. Madje edhe kuajt e të dyve ishin thuajse identikë me ndryshime të vogla në ngjyrë dhe në racë.
Në vitin 2012 Astmer Bilali ishte boksieri i vetëm nga katër kuqezinjtë që mundi të kualifikohej një tur në turneun kualifikues të Lojërave Olimpike “Londër 2012”.
Asmer Bilali me të atin, Astrit Bilali potë në FOTO:
